مهو اصل الوحدة بتجن , و انا already في برج لاسع عندي .. بخاف اعيش حياتي لوحدي , و مع ذلك متعة الدنيا بالنسبة ليا اني امشي علي البحر وقت الغروب لوحــــدي .. صدقت انها بتجن ؟؟
بس انا برضه بخاف .. عارف,لما اجي استحمي و اهلي يكونوا مش في البيت , اقفل باب الحمام كويس و اشغل مزيكا .. اصلها بتونس , و بتخليني ابطل اتخيل ان في قطة مستنياني و عمالة تخربش علي الباب
الوحدة بتجن .. عدم الاحساس بالامان بيخوف .. تاريخ الصلاحية المجهول بيقلق , و لما ابقي لوحدي , مش سامعة غير دقات الساعة اللي برضه بتسيق للجنون , بيبقي الناس هما المضاد الحيوي للحالة اللي انا فيها , علشان كدة لازم يقدروا وجودهم في حياتي !!
و لما احب اعرف معزتك عندي , بتخيل انك بتموت .. و افضل اعيط عليك , و اخترع سيناريو العزا في دماغي , و اللبس الاسود و الحالة النفسية المعقدة اللي حدخل فيها .. ببني علي موتك نتايج و اصدقها و اكتئب .. و افضل اعيط طول الليل علي موقف خيالي اخترعته و صدقته و تعايشت معاه .. و بدرك ساعتها قد ايه انت غالي عندي .. علشان كدة انا بهتم بالناس اوي .. و النتيجة انهم يا يسافروا يا يموتوا يا يبعدوا و يبقي مكانهم جوايا حفر كبيــرة, حاسة اني حبقي مٌعمِرة و اشوفهم بيبعدوا بأيا كانت الطريقة قدامي .. و ابقي عبارة عن هيكل آدمي خارجي فقط .. من كتر الفراغ اللي سابه كل واحد جوايا .. و افضل اعيط ....
بعدين اقف قدام المراية .. و افضل ابص علي عينيا الملاينة دموع .. و اشوف انهي دمعة حتنزل الاول , و مين الدمعة الاسرع .. اليمين ولا الشمال .. و بعدين اطلع لساني و الحسها .. اصل الدموع ملحها مضبوط
ما قلنا الوحدة بتجن .. بتخليك تموت الناس اللي حواليك جواك .. علشان لما يودعوك بجد , انت ما تتفاجأش
epic girl ! it's really deep
ReplyDeleteتصدقي احترمت دماغك معنديش أى تعليق عليها !
بعد اذنك
may i share it on my twitter ??
Nayera, Your comment is heart warming =')) .. and sure you can ^^
ReplyDelete7elwaaaa gdaaan
ReplyDeleteخلصتى كل الكلام االى ممكن اقوله : )
ReplyDelete